Af hverju missa margir kylfingar kylfuhraða með aldrinum?

Margir kylfingar taka eftir því að boltinn fer ekki jafn langt og áður. Með réttum æfingum er þó oft hægt að viðhalda eða jafnvel bæta kylfuhraða og högglengd, óháð aldri.

Margir kylfingar taka eftir því að kylfuhraði minnkar eftir því sem við eldumst. Boltinn fer ekki jafn langt, það þarf lengri kylfu inn á flöt og stundum virðist sem aðrir séu farnir að slá lengra.

Þó að ákveðnar breytingar fylgi aldrinum þýðir það ekki að meiri lengd sé úr sögunni. Í raun geta margir kylfingar viðhaldið eða jafnvel bætt kylfuhraða sinn með réttum æfingum.

Af hverju minnkar kylfuhraði með aldrinum?

Það eru nokkrar ástæður fyrir því að lengdin minnkar oft með aldrinum.

  • Vöðvamassi minnkar smám saman.
  • Sprengikraftur minnkar oft hraðar en hámarksstyrkur.
  • Hreyfanleiki verður gjarnan verri.
  • Jafnvægi og stjórn geta minnkað.
  • Margir verða einfaldlega minna líkamlega virkir.

Þetta getur gert það erfiðara að framleiða kraft og flytja hann hratt í gegnum golfsveifluna.

Lengd snýst ekki bara um styrk

Margir halda að þeir þurfi einfaldlega að verða sterkari. Styrkur er mikilvægur, en golf er fyrst og fremst hraðaíþrótt.

Líkaminn þarf að geta framleitt kraft hratt og með góðri samhæfingu.

Þess vegna er mikilvægt að vinna ekki bara að styrk heldur einnig:

  • Hreyfanleika
  • Jafnvægi
  • Aflþróun
  • Hraða og samhæfingu

Hreyfanleiki skiptir miklu máli

Takmarkaður snúningur í mjöðmum og brjósthrygg getur haft áhrif á hversu mikinn hraða þú getur myndað.

Betri hreyfigeta getur:

  • Aukið sveifluferilinn.
  • Bætt jafnvægi.
  • Auðveldað kraftframleiðslu.
  • Minnkað óþarfa álag á mjóbak og axlir.

Styrkur hjálpar þér að halda lengdinni

Styrktarþjálfun getur hjálpað líkamanum að viðhalda vöðvamassa og getu til að framleiða kraft.

Sérstaklega getur verið gagnlegt að styrkja:

  • Rassvöðva
  • Læri
  • Kjarna
  • Efra bak

Þessir vöðvahópar gegna lykilhlutverki í því að framleiða og flytja kraft í gegnum golfsveifluna.

Ekki gleyma hraðaþjálfun

Ein algengasta mistökin er að hætta alveg að hreyfa sig hratt. Líkaminn aðlagast því sem hann gerir reglulega.

Með öruggri og markvissri hraðaþjálfun er oft hægt að:

  • Viðhalda kylfuhraða lengur.
  • Bæta sprengikraft.
  • Auka sjálfstraust í sveiflunni.
  • Halda meiri lengd af teig.



📚 Það sem rannsóknir sýna

  • Vöðvamassi, styrkur og sprengikraftur minnka almennt með aldrinum ef þeim er ekki viðhaldið með reglulegri þjálfun.
  • Styrktarþjálfun getur aukið styrk og líkamlega getu hjá eldri einstaklingum, jafnvel þegar byrjað er seint á ævinni.
  • Hjá kylfingum tengjast líkamlegir þættir eins og styrkur og kraftframleiðsla mælanlegum þáttum í golfi, þar á meðal kylfuhraða.
  • Markviss þjálfun getur hjálpað mörgum kylfingum að viðhalda virkni og halda meiri lengd lengur.

Það er aldrei of seint að byrja

Rannsóknir sýna að fólk á öllum aldri getur aukið styrk, bætt jafnvægi og þróað meiri kraft með markvissri þjálfun.

Markmiðið þarf ekki að vera að slá eins langt og þú gerðir fyrir tuttugu árum. Markmiðið getur einfaldlega verið að halda áfram að njóta golfsins, ganga hring, líða vel og halda í sem mesta lengd.

Aldur þarf ekki að þýða að þú missir lengdina. Oft er hægt að viðhalda henni lengur en fólk heldur með réttri þjálfun.

Í Skúli Golf Performance finnur þú prógrömm sem eru sérstaklega hönnuð til að bæta styrk, hreyfigetu og kraft hjá kylfingum á öllum aldri, þar á meðal sérhæfð prógrömm fyrir 60+ kylfinga.

Heimildir

  1. Fragala MS, Cadore EL, Dorgo S, et al. Resistance Training for Older Adults: Position Statement From the National Strength and Conditioning Association. Journal of Strength and Conditioning Research. 2019. [Abstract Only]
  2. Wells GD, Elmi M, Thomas S. Physiological correlates of golf performance. Journal of Strength and Conditioning Research. 2009. [Abstract Only]
  3. Evans K, Tuttle N. Improving performance in golf: current research and implications from a clinical perspective. Brazilian Journal of Physical Therapy. 2015. [PMC Full Text]

Frekara lesefni

Deildu með öðrum kylfingi

ÆFINGAMYNDBAND

Æfingalýsing

Hnébeygjur á kassa

Settu þig rólega niður á kassann með stjórn og haltu góðri spennu í bolnum allan tímann.

Róleg niðurleið

Halda spennu í bol

Varaæfingar

Bikar hnébeygjur

Split hnébeygjur

Hnébeygjur með stöng

SKILABOÐ

Spurning um æfinguna?

Sendu mér skilaboð ef eitthvað er óskýrt eða ef þú vilt feedback á framkvæmdina.